---
title: "പരിഹാരക്രിയയ്ക്ക് പുഴയിൽ ഇറങ്ങി ; മന്ത്രവാദിയും യുവാവും മുങ്ങി മരിച്ചു"
english_title: "A sorcerer and a young man drowned while going into a river for a cure"
publisher: "piravomnews.in"
canonical_url: "https://piravom.truevisionnews.com/news/314678/A sorcerer and a young man drowned while going into a river for a cure"
published_at: "2025-09-13T21:08:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/68c59046e49fc_1000329028.png"
keywords: []
---

# പരിഹാരക്രിയയ്ക്ക് പുഴയിൽ ഇറങ്ങി ; മന്ത്രവാദിയും യുവാവും മുങ്ങി മരിച്ചു

> **Lead Summary:** പാലക്കാട്: പുഴയിൽ മന്ത്രവാദിയും യുവാവും മുങ്ങി മരിച്ചു.

## Article Content

പാലക്കാട്: പുഴയിൽ മന്ത്രവാദിയും യുവാവും മുങ്ങി മരിച്ചു.

പാലക്കാട് കൊഴിഞ്ഞാമ്പാറ സ്വദേശി ഹസൻ മുഹമ്മദ്, കോയമ്പത്തൂർ സ്വദേശി യുവരാജ് എന്നിവരാണ് മരിച്ചത്. ഇന്ന് ഉച്ചയോടെയാണ് സംഭവം. കൊഴിഞ്ഞാമ്പാറ കുലുക്കപ്പാറയിലെ പുഴയിലാണ് അപകടം.

കൊഴിഞ്ഞാമ്പാറ പള്ളിത്തെരുവിലെ ഹസൻ മുഹമ്മദിന്റെ വീട്ടിലാണ് ദുർമന്ത്രവാദ ക്രിയകൾ നടന്നത്.

ഇതിനുശേഷം പുഴയിലേക്ക് മന്ത്രവാദിയായ ഹസൻ മുഹമ്മദും പരിഹാരക്രിയയ്ക്ക് എത്തിയ 18 കാരൻ യുവരാജും ഇറങ്ങിയപ്പോഴാണ് അപകടമുണ്ടായത്. യുവരാജും അമ്മയും സഹോദരി ഭർത്താവും ഉൾപ്പെടെ നാല് പേരാണ് കോയമ്പത്തൂരിൽ നിന്നും ഹസൻ മുഹമ്മദിന്റെ അടുത്ത് എത്തിയത്.

മകന് ജോലി ഒന്നും ശരിയാവുന്നില്ലെന്ന് പറഞ്ഞ്. കഴിഞ്ഞ ശനിയാഴ്‌ ഹസൻ മുഹമ്മദിന്റെ അടുത്ത് കുടുംബം എത്തിയപ്പോൾ ഒരാഴ്‌ച കഴിഞ്ഞു വീണ്ടും വരാൻ ആവശ്യപ്പെടുകയായിരുന്നു. തുടർന്ന് ഇന്ന് രാവിലെ 10.30 ഓട് കൂടെയാണ് കൊഴിഞ്ഞാമ്പാറ പള്ളിത്തെരുവിലേക്ക് കുടുംബം എത്തിയത്.

### Related Links & Sources
- [Original Story Source](https://piravom.truevisionnews.com/news/314678/A sorcerer and a young man drowned while going into a river for a cure)